كلام شعر سوداني لزيز

بـوعــركــي الـبـخـيـت .. لكم التحايا والود
ثــــــمـــــار دمــــــــــي
انت معاي في جواي
غرستك آهة من ثمار دمي
وبنيت منك جمال دنياي
أريدك أريدك.. أريدك
.. انت فجراً طل فرح ناس
وخط بدمّو كلمة ريد بقت تاريخ هناء
و شيد عليهو الســاس
..أحبك انت مطراً
الجو سقي التيراب
وصبحت بيك حياتو خريف
.. وجدول فرحة فيك منساب
يناغم قلبي فيك ويقول
تعال نفرش دروب الريدة للأحباب
بزهرة حب .. جذورا حنان .. غصونا أمان
ثمارا بتدي طعم الريد
وريدا بيسعد الانسان
مادام ما انت باقى معاي
في جواي
غرســـــــتك آه من ثمار دمي
وبنيت منك جمال دنياي ،
حأبني الدنيا جنة ريد
وأعطر بيه ديمة غنــــــاى...