شباب الضعين المتحضر تعارك الافكار البناءه


كفارة ليك...

شاطر
avatar
Admin
Admin

المساهمات : 196
تاريخ التسجيل : 09/03/2013

كفارة ليك...

مُساهمة من طرف Admin في الثلاثاء سبتمبر 30, 2014 7:05 am

كفارة ليك...
قالو العذاب دقدق بيوتك
وخش في حيشان صباحك وإنتشى
قالو الدموع نتفت عقاب سطوة غرورك
وداعب الحزن الملامح ورشرشها
ما قلت ليك ؟؟؟
ما قلت ليك إنو الدروب الفيها ريحة الفرقة اوعى تهبشها ؟؟
مش كنت عارف نور مشاعري
وكت يلامسك عنوة بالريد والهيام
بهديك صباحات منعشة ؟؟
مالك بتتأسف وكت شايل بضاعة القسوة ..
في سوق المشاعر فارشها
ما تبقى قدر القلتو
واستحمل مصايبك وقشقشها ...
كيتا عليك ...
جاتك همومك ساقتك
وأنا لا دعيت ..لا محرشها
بعدين منو الضيع عهود الريدة
وشرف المواثيق خادشها ؟
مين اللي خان عهد المودة
وضيع الريد النبيل
لا حن لا لان ..لا اختشى
مين اللي شخبط في دفاتر الذكرى
بي زيف المشاعر
وستف الفرحة المعايا وعفشها
ندمان ؟؟
ولا بفيدك ندم ...
دام العصافير البتصدح في فؤادي
غرام وريد...
فقدت معالم الغنية والنغم الطروب والوشوشة..
ما تبكي ....
ما بتجدي الدموع
قبلك بكييييت والحرقة ولعت الحشا ...
نص الطريق فارقتني
لا جيتني خففت الألم
لا طايبت ريحة دعاشك
وردة الريدة النبيلة المنعشة...
في بابي واقفة المنية بي نسمة هواك
بس حالف القلب الجريح..ما يخششها...
كل العيون الروحا فيك..غمدتها
كل الدروب الماشة ليك..قفلتها
خوفت منك لوعتي
وجواي مداخلك هارشها ...
ما تلوم قساوتي البي وراك
كل الحصل كان بي رضاك
مديت إيدي شان أنشلك
اخترت تغرق في بحور
وجع القصائد الموحشة...
ناديت عليك ...وهتفت بي ملء الحناجر )روحي فيك(
ما كنت خايف من هواك
لا وجعة الريد حايشها
طاوعت إحساسي النبيل
وقليبي في دربك مشى
بس يا خسارة ...
بدل أعيش
ماتت مشاعري أسى وجراح
وما عادت الزكرى التجيبك
مدهشة...
/
/
/
/
/الجرح/

    الوقت/التاريخ الآن هو الأربعاء سبتمبر 20, 2017 7:39 am